فضايح المشرفين و الاعضاء ادخلو شوفوا!!!( الجزء التاني)

معانا ابطال القصه فى الجزء ده ( محمد - ميدو - سيد الخواتم - s11w - احمد - رامي ). و

قهوة " سوا " لصاحبها( s11w) وابنه ( احمد) كان نقطة التقائهم الدائم هي قهوة" سوا"....

أطلق (s11w)هذا الأسم علي القهوة التي ورثها عن أجداده للانه متعلق جدا بسوا.. و من

يعرف كيف سيسميها ( احمد) أبن( s11w)عندما يأتي دوره.....

كانوا دوما يلتقون عند (s11w) حيث يشربوا دائمآ .. واحد قهوة .. واحد سحلب و 2 شاي ...

يلعبوا الدومينو.. و يشربوا الشيشة…دائمآ علي النوتة...

كنوا يتلاقون دائمآ في تلك القهوة يتحسروا علي حالهم.. و يبحثوا عن
وسائل لمواجهة نفقات البيت و العيال.. حتي اتي يوم و فجر ( محمد ) فكرة العصابة في خلايا عقولهم….
تعالوا ندخل فى الحوار الظريف ده:
- محمد : بالذمة ديه عيشة اللي احنا عايشينها دي...حاجة تقرف..

- ميدو : اصطبحنا و صباح الملك لله.. مالك يا سيدنا.. مقريف ليه عالصبح...

- محمد: يعني و الا فلحنا في الدراسة... القصص بتاعتي مرمية في كل حتة ماحدش

بيشتريها.. السجاير بقيت استلفها... المشاريب دايمآ عالنوتة.. و لولا أن s11w واد جدع و

صاحبنا من زمان.. ماكناش حتي حنلاقي حتة نتقابل فيها...

ما ترص حجر عليه القيمة ياد يا احمد .. انت بتخنصر في المعسل ليه اليومين دول ...

- احمد : انت كمان حتتأمر.... ما تتدفعوا اللي عليكم الأول...

- سيد الخواتم : طالع لأبوك صحيح .. طب شيل الشيشة من قدامي . و ديني ما انا

طافحها....

- s11w: ما تهدي امال يا سيد ... انت دايما كده بتتزربن اوام... الواد صغير و لسه ما يفهمش

في الأصول.. اجري ياد يا احمد نزل دور شاي لحبايبنا هنا...

- سيد : تكرم يا حج s11w.. اصيل طول عمرك .. بس انت عارف يعني الواحد حساس في

موضوع الفلوس دي.. و بعدين لما ييجي عيل صغير و يعايرك.. مش حلوة يعني...

- رامي : ما تخلص بقي يا سي سيد .. انت حتعمللي فيها فيلم درامي و الا ايه... طول عمرك

جدع يا s11w بكره تفوت عليا في المحل اخدلك راسك و دقنك علي حسابي...

- محمد: محل ؟؟.. محل ايه يا اسطي.. انت حتهجص و الا ايه.. مش اتشمع بالشمع الأحمر

الأسبوع اللي فات لما طيرت ودن الجدع و انت بتحلقله دقنه...

- رامي : و النبي نقطني بسكاتك.... لازم تفكرني.. ده ايه النحس اللي ماسكنا ده يا

جدعان... ما تلعب يا سيد ... دورك..

- سيد : العب ايه .. ما هي اتقفلت اهيه زي الدومينو...

- ميدو :يا نهار أسود... زي الدومينو ؟؟... هو احنا كنا بنلعب شطرنج...ما حنا بنتنيل نلعب دومينو من ايام الفراعنه...

- سيد : و النبي يا ميدو سيبني في حالي....

فترة صمت طويلة... سرح كل واحد منهم في خياله.. بين صوت الكركرة.. و دخان الشيشة... و

طال الصمت.. و اخيرآ تكلم محمد بنبرة جادة... و هذا كان نذير خطر دائمآ ...

- محمد : شوفوا يا جماعة ... خلينا واقعيين... كده مش حنعرف نكمل ابدآ... جربناها دايمآ في

الحلال.. و مشينا جنب الحيطة.. بس ما نفعش... احنا اربعة مش كده... ايه رأيكم نعمل

عصابة...(قالها بصوت واطي )

سيد بخ الشاي اللي يشربه فا جيه الرذاذ في وجه ميدو اللي انتفض من مكانه ناظرآ بهلع الي

محمد.. بينما مسكت سيد نوبة سعال كادت تخنقه و عندما تمالك نفسه مرة اخري .. قال :

الله يخرب بيتك يا محمد...علي آخر الزمن عايزنا نبقي ارباب سوابق و حرامية...

- محمد : وحياة الفيش و التشبيه.. انتوا نسيتوا الزنزانة ايام الكلية..

لا شعوريا مد سيد و ميدو ايديهم يتحسسوا علي قفاهم..

- رامي : اتكلم عن نفسك يا اخويا.. انا كنت بشرب سجاير ساعة ما اتمسكتم .. انا صفيحة

الحالة الجنائية بتاعتي ابيض من مسحوق ايريال نفسه...

- محمد : صفيحة... هو سمن... اسمها صحيفة يا خريج أوكسفورد.. لو عندك طريقة تانية ناكل

بيها عيش.. قولي عليها يا فصيح... عالعموم انا نويت و خلاص... اربعة.. تلاتة .. اتنين..

انشالله لوحدي حعملها...

- سيد :حلمك بس يا محمد.. انت بتتكلم بقلب جامد كده عشان بطولك.. بس احنا التلاتة

متجوزين و عندنا عيال.. و لازم نفكر فيهم في الأول يعني...ما تقول حاجة يا سي زفت (ناظرآ

الي رامي الذي كان مستغرقآ في تفكير عميق )

- رامي : اهو عشان خاطر اني متجوز و عندي عيل.. انا موافق محمد ... ما هي لا طابت يا

اتنيلت عملنا كل المشاريع و فشلت... مشينا في السليم و اتمسكنا و اتلبينا علي قفانا و

اتمرمط بكرامتنا بالأرض... انا بقي موافق بالثُلُث...

لحظة سكوت طويلة ...

-سيد : انا عارف ان اجلنا هيكون علي يدك ان شاءلله يا محمد ... ماشي و انا معاكم ياكش

تولع ...
- سيد : يعني انا اللي مش حوافق... ماشي .. الله يخرب بيوتكم كلكم.. صحبة مهببة... كان

دايمآ الناظر بتاع المدرسه بيقوللي نهايتك سودة يا سيد ... كدا فرحان يا عم محمد ( ناظرآ

الي السماء ) .. انا موافق بس علي شرط... مافيش حد حيتأذي.. و لا حتي نقطة دم...

مافيش واحد غلبان حنسرقه و لا ...

- رامي : خلاااااااااااااااص يا حبيبي.. انت حتعمللي فيها عماد حمدي.... معلوم اننا لو عملنا اي

عملية حتكون نضيفة مية مية و مافيهاش أذية لأي حد..

- ميدو : انا نفسي اول ما نعمل عملية .. نتمسك علي طول.. اديني اخدللي اجازة من البيت

شوية...

- محمد : بدايتها كفر يا محمد ... خلونا في الجد... اول عملية انا بلفها في دماغي من

فترة... فتحوا دماغيتكم و نضفولي ودانكم و اسمعوني كويس...

و اقتربت أربعة رؤوس في منتصف المائدة .. و ساد صمت خفيف اعقبه صوت محمد ....

البقية الحلقة القادمة.....



في الحلقة القادمة ان شاء الله أحاول اكملكم القصه عن
سرقة البنك اوكي